Jaman biyen nalika para wali isih sugeng, ana sawijining muride wali kang lunga tumuju Gunung Merapi. Dheweke sedya mbangun tapa kanggo nggayuh ngelmu kang luwih dhuwur.
Dina ganti dina, sawise murid iku tapa dumadakan ilang tanpa ana kabare. Amarga wis sawetara wektu ora mulih ing omahe, sisihane murid wali iku dadi kuwatir lan tansah was sumelang geneya bojone durung mulih, kamangka welinge nalika arep tumuju Gunung Merapi, anggone mbangun tapa ora suwe. “Apa kang wis kedadean marang sisihanku? Geneya wis suwe anggone lunga tumuju Gunung Merapi kok ora mulih-mulih,’’ pitakone wanita sisihane murid kang tapa iku.
Wusanane wanita iku dadi ora sranta kepengin ndang antuk kabar bab sisihane. Wanita iku banjur nyusul sisihane tumuju Gunung Merapi. Nalika iku durung ana kendharaan apa wae. Wong yen pengin lelungan ya kudu mlaku. Mangkono uga wanita iku, mung mlaku wae nalika nyusul tumuju Gunung Merapi.
Wis pirang2 dina wanita iku mecaki dalan rumpil kebak, watu kang tumuju ereng2ing Gunung Merapi. Sawijining dina, wanita iku tekan ing desa kang ora adoh saka papan ngasoneiku ana kali mili kang ana kedhunge kang bening banget banyune. Weruh kedhung iku, wanita iku banjur kelingan marang si2hane.
Biyen dheweke ketemu si2hane uga ana ing kedhung ing kali cedhak desane. Nalika iku wanita iku lagi ngumbahi sandhanganing kendhung. Dene priya kang sabanjure dadi si2hane wektu iku lagi ngaso ing sapinggiring kendhung sawise mlaku adoh saka pasar. Priya iku pancen duwe gawean dagang asil bumi ing pasar.
Kelingan bab sarwa endah jaman tetepungan sepisanan karo si2hane, ndadekake wanita iku sangsaya sedhih atine. Sinambi naywang kedhung amba kang bening banget banyune iku, ora krasa luh netes saka pojokan mripate.
Ing atine mung pijer nyebut jenenge si2hane lan ndedonga marang Gusti Allah Kang Maha Kuwasa supaya diduduhkan dalan supaya bisa nemokake si2hane. Utawa saorane bisa antuk kabar kepriye kahanan si2hane wektu iki.
Nalika rasa kesel ing awake wis rada suda, kanthi luh isih dleweran ing pi2ne, wanita iku banjur tumuju pinggiring kedhung. Dheweke banjur nyawuk banyu kedhung kang bening banget iku kanggo misuhi sikile kang krasa kemeng amarga wis mlaku adoh.
Kena ilining banyu kang anyep nanging krasa seger iku, sikile krasa kepenak. Sabanjure, wanita iku lungguh ing sapinggiring kedhung lan sikile dicemplungake ing banyu kedhung kang anyep nanging seger iku.
Amarga saya suwe sikile krasa kepenak, wanita iku banjur mikir mbok menawa yen adus sisan, kungkum, awake kang krasa pegel2 lan linu2 uga bakal dadi kepenak. Wusanane wanita iku banjur njegur ing kedhung, kungkum sinambi langen2 ing kedhung sapinggiring desa ing sikile Gunung Merapi iku.
Sawise udakara seprapat jam kungkum lan langsen2, wanita iku krasa yen kabeh rasa pegel lan linu ing awake sithik mbaka sethithik suda. Amarga iku awake banjur mutusake arep langen lan kungkum sakatoge ing kedhung iku. Dheweke ora kuwatir bakal ana sing ngganggu gawe amarga pa2n dununge kedhung iku ora ana ing pinggir dalan kang arep diliwati wong2 desa.
Nalika langen2 lan kungkum iku dheweke weruh ing dhasaring kedhung akeh urang cilik lan gedhe kang uga padha langen, golek pangan. Kanggo ngenggar2 atine lan nyuda rasa sedhihe amarga tansah kelingan marang si2hane, dheweke banjur dolanan nggiring urang2 kang akeh tinemu ing dhasaring kedhung.
Sawise katog anggone langen lan kungkum, wanita iku banjur mentas lan lungguhan maneh ing pinggiring kedhung. Awak kang wis krasa seger sabubare langen lan hawa seger, edhum lan eyub sapinggiring kedhung, ndadekake wanita iku ngantuk lan wusanane keturon ing suketan sapinggiring kedhung. Nalika turu sikile wanita iku isih nyemplung ing banyu kedhung.
Ing turune, wanita iku ngimpi ditemoni sawijining wong lanang tuwa kang nyandhang kayadene pandhita. Wong lanang tuwa iku ngandhani yen si2hane ora perlu disu2l nganti ereng2ing Gunung Merapi. Ora suwe maneh si2hane bakal mudhun saka Gunung Merapi lan mesthi mampir ing desa cedhak kedhung iku. Wanita iku diprayogakake supaya ngenteni ing desa iku.
Ing satengahing ngimpi kang ndadekake tentreming atine iku, dumadakan wanita kaget saengga tangi saka turune. Dheweke kaget amarga ana urang gedhe kang sapite nyakot drijine. Dheweke banjur menyat saka pinggir kedhung lan tumuju desa sacedhake kedhung. Sawetara dina sawise kedadean iku, wanita iku ketemu si2hane kang nembe wae mudhun saka Gunung Merapi. Kalorone banjur milih manggon sateruse ing desa cedhak kedhung kang kebak urange iku. Sabanjure desa kang durung ana jenenge iku banjur dijenengake Desa Kaliurang
Saiki Desa kakliurang menjila dadi desa wisata ing tlatah kabupaten Sleman, Yogyakarta. Dununge ana ing sikile Gunung Merapi. Desa kang reja iku hawane pancen adhem lan seger. Akeh turis saka mancanegara uga wisatawan domestik saka sadhengah dhaerah ing Indonesia kang padha tumeka ing Kaliurang kanggo nggenggar2 ati.
0 komentar:
Post a Comment